Dear Mama

My Mama, she raise me up.

Dear Mama,

Naingon na ba nako sa imo nga swerte kaayo ko kay ikaw akong Mama?
Naingon na ba nako sa imo nga nalipay ko kay palangga kaayo ko nimo?
Naingon na ba nako sa imo nga love kaayo ta ka?

Kaniadto, ibog kaayo akong mga amigo kay ang akong mama very accommodating.
Akong mama, palaistorya. 
Feel at home kaayo sila kung mubisita sila sa balay.
Unya kung maka-prepare ka og pagkaon daghan gyud.
Mabusog gyud ming tanan. Makig-chika pa gyud ka sa ilaha.
Kaila ka sa akong mga friends.

Kung naa koy activities sa school or contest nga salihan, very supportive kaayo ka.
Isa ikaw ka stage mother og proud kaayo ka sa akoa.
Ikaw akong number one fan.

Kung naa koy problema, ikaw gyud akong masultihan.
Ambot ngano, nga kung maingon na nako sa imoha, murag ma-solve na tanan.
Mag-ngisi na dayon ko og ready to fight na dayon.

Kung naa pud koy mga bag-o nga accomplishments, excited pud kaayo ko nga iistorya sa imo.
Feeling nako, ako ang pinakamaayo og kaya nako ang tanan.
Naa pa gyud na imong style nga very tight nga gakos with kiss to the max.
Wow! Nice kaayo ang feeling.

Kung mouli na gani ko sa balay katong naga-board ko tong college og bisan katong nag-work nako, daghan kaayo kag tinaguan nga pagkaon para sa akoa.
Ang uban gani nangalata na. Ang uban napan-os na lang.
Maabtan gud tag sobra isa ka oras og kinaon og update-update sa mga latest achievements nako.

Naay mga times nga kung dugay ko makauli gikan sa laag, mata pa gihapon ka.
Kay ingon nimo, dili ka makatulog hangtud dili pa ko kaabot sa balay.

Usahay, maglalis pud ta kay naay mga butang nga dili nako masabtan sa imoha.
Later on, ma-realize nako nga naay gyud kay point.
Tama gyud nga "mother knows best".
Og kanang imong "mother's instinct", powerful kaayo no?
Kay kabalo ka kung unsang naga-bother sa akoa og kung happy ko or dili.

Mahinumduman pa nako nga gusto nimo mag-try pud ko og inom-inom.
Pero ako ray gadili.
Naa pa gyud times nga ginakulit ko nimo nga manguyab na.
Naa pa gyud tong times nga ginapangutana ko nimo kanus-a ko mag asawa.
Hangtud karon dili pa ta ka matubag.

Ma, naingon na ba nako sa imo nga happy ko kay Mama ta ka?

Nga kung asa man ko nakaabot karon, tungod na sa imong pagpaningkamot og pasensya sa pagpadako sa akoa.

Sa una, kung naa koy adtuan nga lugar, ang akong una nga isipon, unsa akong pasalubong para sa imoha. 
Usahay mo-demand ka pero okay lang kay Mama ta man ka.
Gusto nako nga mapa-happy ta ka.
Og kanang sa akong pag-abot, ikaw gyud ang una nga mutagbo sa akoa.
Gakos dayon og kiss ang imong pang-welcome sa akoa.
Then mangutana dayon ka og, "Nikaon na ka Gang?".
Sweet kaayo ka. 
Sa imoha gyud siguro ko niliwat.

Ma, naingon na ba nako sa imo nga sorry kung naay mga times nga bad ko?

Sorry kung naay times nga makiglalis ko sa imo?
Sorry kung naay mga times nga gahi akong ulo?
Sorry Ma ha...

Ma, naingon na ba nako sa imo nga na-miss na ta ka?

Kabalo ko nga naa na ka sa kalinaw karon uban ni Lord.
Kabalo ko nga bisan karon, gusto nimo nga protektahan ko pirmi.
Siguro ni-volunteer ka nga mahimong guardian angel nako no?
Ikaw gyud ning guardian angel namong tulo nila ate ba.
Kay bisag karon, na-feel gihapon nako ang imong pagpalangga.
Bisan karon, padayon ang akoang best days.

Ma, Happy Mother's Day!

I love you.
Salamat sa tanan.

Love,
Atan

This video was made for Mama five years ago as a tribute to her greatness as our beloved mother.

Read more…