Sunday, June 21, 2015

Dear Papa

Celebrating New Year with Papa
Dear Papa,

Naingon na ba nako sa imo nga swerte kaayo ko kay ikaw akong Papa?
Naingon na ba nako sa imo nga nalipay ko kay palangga kaayo ko nimo?
Naingon na ba nako sa imo nga love kaayo ta ka?

Kaniadto sa gamay pa ko og dili pa bug-at, imo kong sung-ayon gikan sa palengke padulong sa atong balay labi na kung makita na nimo nga murag gikapoy na ko maglakaw. Feeling dayon nako tangkad kaayo kay mudungaw ko sa mga tawo nga atong masugat-an. Dayon mokanta-kanta dayon tang duha og masadya nga awit pero nakalimot nako unsa tong kantaha.

Kung makamata ko sa una nga mopadulong naka sa trabaho nimo, muhilak gyud ko og maayo kay dili ko gusto nga malakaw ka. Mura bag feeling nako nga mingawon kaayo ko nimo nga biyaan ko nimo.

Ikaw ang nagtudlo sa akoa og magsawsaw og biskwet sa kape sa atong afternoon snacks. Og ikaw ang nagpatilaw sa akoa og kan-on nga gibahugan og kape unya parisan og bulad nga sud-an, katong "goodbye-my-head"! Mao siguro nga karon kung mag-inom kog kape kay katulugon gyud ko kaayo. Tungod tingali kay nostalgic ang kape para nako.

Katong nag-eskwela nako, ikaw gyud ang nagahatud og nagasundo sa akoa sa school hangtud na lang nitungtong ko og Grade 5. Dili gyud ko kabalo mag-inusara og uli. Dependent kaayo ko nimo.

Ikaw pud nagtudlo sa akoa nga musukol sa mga naga-bully sa akoa tong elementary ko. Naa pa gani kaisa nga gipitkan nimog dalunggan tong isa sa akong mga bullies. Dah lagi! Wala na gud sila ning usab. Hahaha!

Kada weekend, dili gyud ko nimo gusto momata og sayo. Og kanang school days usahay, basta pukawon na gani ko ni Mama, mohunghong dayon ka sa akoa nga, "Tulog pa 'ta..." ("Ta" is shortcut term nimo sa "Bata"). Gusto gyud nimo nga magrest pa ko kay kabalo ka nga dugay ko natulog the night before kay nag-study pa ko. Sa imoha gyud siguro ko naliwat nga maglisod og mata og sayo kaayo.

Bisag panalagsa buluyagon ko nga anak, sa akong pagkahinumdom, kaisa pa lang gyud ko nimo gibunalan. Kato tong nangadto mi sa creek sa akong mga barkada nga silingan paghuman sa kusog nga ulan para motan-aw og baha. Na-feel gyud nako nga palangga kaayo ko nimo ato kay imo kong gibunalan for the first time. And that was also the last time, I guess.

Katong naga-work nako, naay mga times nga maglalis tang duha pero ang biliban nako sa imoha, mokatawa lang ka sa akoa kung makapuntos nako. Mawala na lang pud akong kalagot.

Katong last days ni Mama, dili gyud nako makalimtan kung unsa nimo sya gi-alagaan. Nakita gyud nako sa imoha nga ang imong love sa iyaha, "til death do us part". Mas na-admire ta ka ato.

Pa, salamat sa tanan. 

Katong nibiya na ka sa amoa, gi-isip ko na lang nga gibalato na nimo among life sa among sarili. Naisip nako nga siguro nihangyo ka kay Lord nga it's about time to leave kay it's also about time nga sarili na pud namo among huna-hunaon.

Pa, salamat sa tanan.

You may not be the ideal father that this world can define, but you to me are one of those blessings that forever be with me all throughout my life. And I am so thankful for that.

I-regards na lang ko kay Lord og kay Mama.

I love you Pa.

Your only son,
Atan




1 comment:


  1. hi!,I really like your writing so so much! percentage we communicate more approximately your post on AOL? I need an expert in this area to solve my problem. Maybe that is you! Having a look forward to peer you. gmail login email

    ReplyDelete